Manila Bulletin

Mirror Of Fortune

( ANG INYONG KAPALARAN SA SEPTIYEMBRE 16-30, 2021)

Ni Madam Gertrudes-Lee

SAGITTARIUS – (Nobiyembre 22 – Disyembre 21) – Niining mga semanaha may bag-o kang makat-onang trabaho nga makadugang sa imong income. Angayng pasalamatan mo ang moayuda kanimo nga di magpaila sa iyang kaugalingon. Makigdungan pagtungas sa himaya ang imong kapikas. Suwerte mong adlaw ang Martes ug palaran mong numero ang 1, 8, 3.

CAPRICORN – (Disyembre 22 – Enero 19) – Matugkad mo ang hinungdan sa mga panghitabo nga nakapalibog kanimo. Masabtan mo ra ang gisulti sa imong ugangan. Magmatngon ka na sa imong mga lakang. Moasenso ka sa umaabot nga panahon. Mobuswak og samot ang imong lovelife. Lunes ang suwerte mong adlaw ug 6, 4, 7 ang palaran mong numero.

AQUARIUS – (Enero 20 – Pebrero 18) – Niining mga semanaha angay nga molikay ka sa mga tsismis. Di maayo nga maapil ka unya sa kontrobersiya. Itingob ang imong panahon sa pag-asikaso sa pamilya. Mag-ampo kanunay. Talagsaong abentura sa gugma ang masumokan. Suwerte mong adlaw ang Martes ug palaran mong numero ang 3, 9, 5.

PISCES – (Pebrero 19 – Marso 20) – Mahilambigit kag mahinungdanong diskusyon. Daghan ang mosuportar sa imong panahom. Way makababag sa imong maayong mga tinguha. Magmalamposon ang ipahigayon mong negosasyon. Mosangko sa paghangos ang awhag sa pamarayeg. Biyernes ang suwerte mong adlaw ug 2, 8, 4 ang palaran mong numero.

ARIES – (Marso 21 – Abril 19) – Niining mga semanaha mahuman na ang dugay na nimong nasugdan nga trabaho. Usbon na ang imong batasan. Kinahanglan nga lihokon na nimo dayon ang imong asaynment. Magmakugihon kanunay. Makapatabisay sa laway ang romansa. Suwerte mong adlaw ang Domingo ug palaran mong numero ang 9, 3, 5.

TAURUS – (Abril 20 – Mayo 20) – Mahatagan nag solusyon ang dugay na nimong giatubang nga problema. Abtik ka nang molihok alang sa kaayohan sa pamilya. Biyaan na gayod nimo ang imong mga bisyo. Dupot ka nang magtuon. Masabtan mo ang gusto sa pasiplat. Huybes ang suwerte mong adlaw ug 4, 7, 6 ang palaran mong numero.

GEMINI – (Mayo 21 – Hunyo 20) – Niining mga semanaha molutaw na ang kamatuoran nga imong gipangita. Di ka angayng magpaanod sa imong emosyon. Kinahanglan nga magpabilin kang kalmado aron makalikay sa kaalaotan. Pahinuntan mo ang kasibot sa kahidlaw. Suwerte mong adlaw ang Sabado ug palaran mong numero ang 2, 6, 9.

CANCER – (Hunyo 21 – Hulyo 22) – Di ka angay nga motubay sa negatibong mga komento. Itingob ang imong panahon sa trabaho. Dako pa ang posibilidad nga maapil ka sa promosyon. Gamitan mog maayong diskarte nga magmalamposon ka. Mainit ang romansa. Lunes ang suwerte mong adlaw ug 5, 4, 3 ang palaran mong numero.

LEO – (Hulyo 23 – Agosto 22) – Niining mga semanaha makita ang resulta sa imong diskarte. Daghan ang moawat sa imong pamaagi. Magmalinawon ang dagan sa imong pamilya. Magmasinugtanon ang imong mga anak. Mokuyog na sila sa pagsimba. Mabulokon ang lovelife. Suwerte mong adlaw ang Miyerkoles ug palaran mong numero ang 3, 2, 5.

VIRGO – (Agosto 23 – Septiyembre 22) – Dako ang posibilidad nga mausab na gayod ang hiwing batasan sa imong manghod. Malipay ka na sa ipakita niyang kadasig sa pagtuon. Di makawang ang imong pangandoy nga molampos siya sa iyang pagtuon. Matagbawon ang romansa. Domingo ang suwerte mong adlaw ug 6, 4, 2 ang palaran mong numero.

LIBRA – (Septiyembre 23 – Oktubre 22) – Niining mga semanaha magkapuliki ka sa daghang mokuha sa imong serbisyo. Mopabor gayod kanimo ang maayong kahigayonan. Di ka malimot sa pagdonar sa simbahan. Magpabilin kang mapaubsanon. Masum-ok kag relasyon nga magmalungtaron. Suwerte mong adlaw ang Sabado ug palaran mong numero ang 7, 3, 1.

SCORPIO – (Oktubre 23 – Nobiyembre 21) – Matuhog mo ang salabtonong isulti sa imong igsoon.Doblehonmoangimongpagpanglimbasog aron makatukod ka nag kaugalingong balay. Matigayon ang imong mga anak sa ilang pageskuyla. Masubhan ang kamainiton sa kahidlaw. Biyernes ang suwerte mong adlaw ug 4, 5, 6 ang palaran mong numero.

Salad Bowl

tl-ph

2021-09-16T07:00:00.0000000Z

2021-09-16T07:00:00.0000000Z

https://manilabulletin.pressreader.com/article/281831466876259

Manila Bulletin Publishing Corp