GIKUWADRO GYOD

Ciano: Beliba gyod nako aning imong hilig nga magbutang og mga gikuwadrong retrato ug unsa pa diha sa imong bungbong. Makalingaw pod baya, Pre.

Agustin: Mao gyod, Pre. Malingaw man god kog tan-aw ana nila. Ang uban pod makapahinumdom nako sa kagahapon.

Ciano: Uy, hala, naa lagi nalahi sa imong mga gikuwadro, Pre. Morag blangko lagi nang usa.

Agustin: A, kana? Mao nay akong handomanan adtong atong amigo nga si Ensoy.

Ciano: Ha? Naunsa man diay si Ensoy, Pre? Ug nganong kanang morag blangkong papel ang imong handomanan niya?

Agustin: Aw, wala man siya maunsa. Pero kanang akong gikuwadro mao nang iyang promissory note sa iyang gihulaman gikan nako nga kuwarta nga morag maglima na ka tuig nga wala gyod bayri. Nablangko na lang na siya kay unsaon nga napanas na man god ang tinta sa iyang gisulat.