Nagprotestang Tilimad-on

Nalantawan ko ang panagdug-ol sa Buwan ug nagbinugtong nga bituon

Nanghimansag niadto ang Buwan samtang nagpid-ok-pid-ok ang bituon

Apan daklit misibog ang bituon sa pagpaghot ni Jaguar sa Buwan

Gituok na diay ang demokrasya sa balhiboong kamot sa diktadurya

Ug sa pagtiyabaw sa kalinaw misagol ang luha sa dugong mibanaw

Mihumig ug mituhop na kini sa hamiling Yutang Tabunon