Publication:

Bisaya - 2021-11-01

Data:

( ANG INYONG KAPALARAN SA NOBIYEMBRE 2021)

COMICS

Ni Madam Gertrudes-Lee

SAGITTARIUS – (Nobiyembre 22 – Disyembre 21) – Magmapasalamaton sa mga grasya nga imong madawat. Kinahanglan nga itudlo mo kini sa imong igsoon. Ipadayon ang imong pagka maampoon. Motaas ang lebel sa imong kadasig. Magmalungtaron ang bag-ong sudlan mong relasyon. Domingo ang suwerte mong adlaw ug 5, 6, 3 ang palaran mong numero. CAPRICORN – (Disyembre 22 – Enero 19) – Niining bulana adunay motanyag kanimo nga motudlo sa bag-ong pamaagi sa panguma. Daghan ang moawat niining pamaagiha aron modako ang abot sa pagpanguma. Mabaid og maayo ang imong salabotan. Mainit ang romansa. Suwerte mong adlaw ang Miyerkoles ang palaran mong numero ang 4, 2, 8. AQUARIUS – (Enero 20 – Pebrero 18) – Mausab na ang dagan sa imong panginabuhi. Modako na ang imong income kay aduna ka nay ekstrang trabaho. Kinahanglan gayod nga doblehon ang imong kakugi. Daghan ang mahimuot sa imong serbisyo. Dugosnon ang romansa. Martes ang suwerte mong adlaw ug 3, 8, 6 ang palaran mong numero. PISCES – (Pebrero 19 – Marso 20) – Niining bulana masipong mo ra ang mga hinungdan sa kaguliyang sulod sa panimalay. Lugwayan mo pa ang imong pasensiya. Pasabton mo ang matag usa nga makigsuod sa Ginoo. Mag-ampo kanunay. Tabunok ang romansa. Suwerte mong adlaw ang Miyerkoles ug palaran mong numero ang 5, 1, 2. ARIES – (Marso 21 – Abril 19) – Optimistiko kang matuman ang imong gipangandoy sa kinabuhi. Wa kay kabalak-an kay tabangan ka sa imong igsoon. Magbinuotan ka lang sa imong pag-eskuyla. Makalingkawas ka na sa imong obligasyon. Pahinuntan mo ang agni sa kamingaw. Lunes ang suwerte mong adlaw ug 7, 3, 4 ang palaran mong numero. TAURUS – (Abril 20 – Mayo 20) – Niining bulana di ka na mabalaka kay mobutho ra pagtumaw ang imong igsoon. Mahupay ra ang iyang pangluod. Sabton mo lang siya sa nasinati niyang kasub-anan. Ikuyog mo siya sa pagsimba. Makawiwili ang romansa. Suwerte mong adlaw ang Martes ug palaran mong numero ang 2, 9, 1. GEMINI – (Mayo 21 – Hunyo 20) – Makombinser na ang imong igsoon nga magsosyo kamo sa pagnegosyo. Mahimong dako ang kantidad nga iyang ipuhunan kay ikaw man ang suheto sa maong matang sa negosyo. Mosalig lang sa matag usa. Mabulokon ang imong relasyon. Biyernes ang suwerte mong adlaw ug 5, 4, 3 ang palaran mong numero. CANCER – (Hunyo 21 – Hulyo 22) – Niining bulana daghan ang motambayayong sa gipasiugdahan mong proyekto. Dako kinig ikatabang sa kabos nga kaigsoonan. Ipadayon mo ang pagsangyaw sa Maayong Balita. Maganoy mo ang kabatan-onan. Madani kas pahiyom. Suwerte mong adlaw ang Huybes ug palaran mong numero ang 9, 2, 5. LEO – (Hulyo 23 – Agosto 22) – Modaghan ang imong mga kostumer. Makauyon sila sa bag-o mong disenyo. Di ka malimot sa pagdonar sa simbahan. Aktibo ka usab nga mosalmot sa kalihokan sa simbahan. Padayon kang mapaubsanon. Dungan mo nga di kapugngan ang paghangos. Sabado ang suwerte mong adlaw ug 1, 7, 6 ang palaran mong numero. VIRGO – (Agosto 23 – Septiyembre 22) – Niining bulana madasigon kang alingahon mo ang imong mga gimbuhaton. Mahapsay na ang nagkapatong-patong mong eskedyul. Hatagan mog prayoridad ang importante kaayo. Makigdait ka. Mosangko sa paghangos ang hagwaay. Suwerte mong adlaw ang Biyernes ug palaran mong numero ang 2, 3, 6. LIBRA – (Septiyembre 23 – Oktubre 22) – Kinahanglan nga gamiton mo ang imong sentido komun kon adunay kabilinggan. Di ka magpadala sa imong emosyon. Mosangpit ka sa Ginoo kon mag-atubang kag dakong problema. Bation mo ang kalagsik sa lawas human ang dula sa kama. Sabado ang suwerte mong adlaw ug 1, 6, 5 ang palaran mong numero. SCORPIO – (Oktubre 23 – Nobiyembre 21) – Niining bulana makarelaks ka na human sa daghang trabaho. Malingaw kang magsuroysuroy sa kalibonan. Makighagwa ka sa kinaiyahan. Mogahin ka gayod og panahon sa kalihokan sa simbahan. Mogamit kag baryasyon alang sa katagbaw. Suwerte mong adlaw ang Huybes ug palaran mong numero ang 8, 7, 2.

Images:

© PressReader. All rights reserved.