(ANG INYONG KAPALARAN SA HUNYO 2022)

SAGITTARIUS – (Nobiyembre 22 – Disyembre 21) – Molusad kag adbokasya nga makatabang sa kabataan. Makabig mo sila nga maduol sa simbahan. Makatabang ka sa uban bisag di sa materyal nga panginahanglan. Dako ang purohan nga magmalamposon kas umaabot. Dugosnon ang romansa. Martes ang suwerte mong adlaw ug 2, 5, 1 ang palaran mong numero.

CAPRICORN – (Disyembre 22 – Enero 19) – Kinahanglan nga ipahulay mo ang lapoy mong lawas. May panahon ka usab sa paglulinghayaw. Dako ang posibilidad nga magkasakit ka kon di maantigong magrelaks sa imong kaugalingon. Makakaplag kag relasyon nga molungtad. Miyerkoles ang suwerte mong adlaw ug 3, 8, 7 ang palaran mong numero.

AQUARIUS – (Enero 20 – Pebrero 18) – Niining bulana may modapit kanimo nga di ka makabalibad. Pagmatngon lang kay basig malitag kas maayong pagpanulti. Ayaw kalimot sa pag-ampo. Magmabungahon ang imong pagpaningkamot. Tugbangan mo ang kalalim sa seks. Suwerte mong adlaw ang Sabado ug palaran mong numero ang 5, 1, 8.

PISCES – (Pebrero 19 – Marso 20) – Makuha mo ang atensiyon sa imong mga kagupa. Hugopan ang imong ipasupot nga mga sugyot. Dako kinig ikatabang aron makab-ot ang kalamboan sa kahimtang. Makat-on kang magmakiangayon sa isigkaingon. Matagbawon ang romansa. Biyernes ang suwerte mong adlaw ug 4, 6, 5 ang palaran mong numero.

ARIES – (Marso 21 – Abril 19) – Niining bulana daghan kag matapos nga trabaho. Makaluag-luag ka na sa imong kahimtang. Magmalinawon ang imong kaisipan human kang makatambong og seminar. Maugmad og maayo ang imong personalidad. Madani ka sa tentasyon. Suwerte mong adlaw ang Huybes ug palaran mong numero ang 4, 8, 5.

TAURUS – (Abril 20 – Mayo 20) – Manumbalay sa imong handurawan ang malipayong nangagi. Makabaton kag kapiskay sa panghunahuna. Daghan kag ideya nga ikatampo alang sa kasulbaran sa giatubang nga problema. Di mo malimtan ang kalalim nga imong masinati. Martes ang suwerte mong adlaw ug 7, 4, 2 ang palaran mong numero.

GEMINI – (Mayo 21 – Hunyo 20) – Niining bulana daghan ang makamatikod sa talagsaon mong katahom. Pagmatngon kay may molingla kanimo. Di ka angayng mosalig dayon sa matam-is nga pasalig. Ayaw kalimot sa pagampo. Modungan ka paghangos sa kalalim. Suwerte mong adlaw ang Domingo ug palaran mong numero ang 3, 4, 2.

CANCER – (Hunyo 21 – Hulyo 22) – Mopasiugda kag kalihokan bahin sa panginabuhi. Kinahanglan nga maantigo kang modiskarte ning panahona. Tabangan kas Ginoo kon molihok ka. Di angay magpakawala sa paglaom sa kinabuhi. Lahing katagbaw ang imong masinati. Martes ang suwerte mong adlaw ug 3, 4, 2 ang palaran mong numero.

LEO – (Hulyo 23 – Agosto 22) – Niining bulana modaghan ang bunga sa imong mga tanom. Di ka angay nga malimot sa paghalad sa Ginoo. Dako ang posibilidad nga makalingkawas ka na sa kalisod. Dugangan pa ang imong kakugi. Maanod kas mainitong halok. Suwerte mong adlaw ang Biyernes ug palaran mong numero ang 8, 6, 5.

VIRGO – (Agosto 23 – Septiyembre 22) – Hingpit na ang imong hukom nga magbag-o ka na sa imong batasan. Itingob na ang imong panahon sa pagtuon ug pagtrabaho aron matapos ang imong kurso. Walay makababag sa imong pangandoy sa kinabuhi. Matagbawon ang dalit sa romansa. Huybes ang suwerte mong adlaw ug 2, 7, 9 ang palaran mong numero.

LIBRA – (Septiyembre 23 – Oktubre 22) – Niining bulana makabig ang imong pagtagad sa bag-o mong nakat-onang talento. Dako ang posibilidad nga maugmad mo kinig maayo. Mapalapdan ang imong pagsabot sa lintunganay sa panghitabo. Pahinuntan ang aghat sa kahidlaw. Suwerte mong adlaw ang Domingo ug palaran mong numero ang 5, 4, 3.

SCORPIO – (Oktubre 23 – Nobiyembre 21) – Niining bulana pangandaman mo ang panghitabo nga di mo damhon. Kinahanglan nga madawat mo ang kamatuoran nga di ang tanang gusto mo ang maangkon. Makadawat kag pahalipay sa maayo mong perpormans. Maanod kas parayeg. Suwerte mong adlaw ang Biyernes ug palaran mong numero ang 9, 4, 6.