Pagdakop Sa Mga Higayon

SA wala pa koy kabangkaagan sa mga butang nga teknikal sa photography, nagsugod ako sa pagpaniid sa inadlawng mga panghitabo. Daghan nag nasaksihan ang akong mga mata nga lainlaing nanghitabo sa palibot. Adunay malipayon, may magul-anon, kahadlok, ug aduna usay maka-inlove. Apan ang maong mga butang nahimo na lamang handomanan nga natigom sa

akong hunahuna. Mahimong ang uban dili na usab nato mahinumdoman. Kaniadto man god, dili pa usar ang mga smartphone.

Wala man sab akoy ikapalit og DSLR o bisan compact camera.

Sa kasamtangang panahon, halayo na kaayo ang naabot sa teknolohiya. Nahimo nang kasagaran ang pagkuha og hulagway sa tanan ginamit ang tagsatagsa ka smartphones. Kahimatikdan usab nga daghan na ang nagbaton og mga DSLR nga kamera ug mirrorless camera,

nasayod man sila unsaon kini paggamit sa teknikal nga alamag o wala. Apan dili na kini mahinungdanon. Mahimong alang sa uban, igo na nga mahulagwayan nilag tarong-arong ang ilang mga subject sa hustong daklit ug maayong higayon. Tungod niining yanong mga hinungdan, igo na ang paggamit sa auto option sa ilang mga kamera.

Niadtong mga panahong wala pa koy igong kahibalo kalabot sa teknikal nga mga aspeto sa potograpiya, paturapak lang akog klik sa akong kamera. Nganong dili, maanindot man kaayong paminawon ang tingog sa shutter sa matag pindot nako sa akong kamera, diin niadtong mga panahona, ang paminaw nako usa na ako ka propesyonal nga photographer.

Sa dihang nakabaton na ako og kaugalingon kong mirrorless camera, usa sa nag-una ug nahimo kong paboritong matang sa pagkuha og hulagway mao ang pag-capture sa lainlaing moment o mga daklit. Ang mga moment o ang mga daklit makahatag og talagsaong mga hulagway diin wala kanimo ang kontrol. Kasagaran, wala kay ideya kon unsa ang imong labing matahom nga nakuhang hulagway hangtod nga dili nimo susihon ang series of photographs nga mamahimo nimong i-playback sa imong kamera. Kasagaran usab nga sa computer mo na kini makita lakip na ang uban pang posibleng makapakurat nga hatod sa mga hulagway nga imong nakuha nga wala nimo dahoma nga matahom diay.

Kon wala pa sab nimo makita imong right moment,

mabatyagan mo man sab ang dagayday niini nga walay kalahian sa dis-og sa musika. Ang feeling o pamatyag maoy mahinungdanon sa pagkuha og matahom nga mga hulagway. Sama kini kamahinungdanon sa pagbaton og “good eye”

nga partikular sa potograpiya. Gikinahanglan lamang nga ikonsiderar kon nganong dili naandan ang mga moment photographs komparar sa kasagarang pagkuha og hulagway nga maoy gipanghimug-atan ang pose, styling ug background.

Pagromansa Sa Higayon

KON buot nato ang natural ug romantic photograph, gikinahanglan lang nga nahigugma kita sa kalibotan ug

Niadtong mga panahong wala pa koy igong kahibalo kalabot sa teknikal nga mga aspeto sa potograpiya, paturapak lang akog klik sa akong kamera. Nganong dili, maanindot man kaayong paminawon ang tingog sa shutter sa matag pindot nako sa akong kamera, diin niadtong mga panahona, ang paminaw nako usa na akong ka propesyonal nga photographer.

nagpamatyag sa mga nanghitabo. Korni, cheesy ug ngilo kuno, matod sa pipila apan sa mga higayon nga maghulagway ako og couple, gikinahaglan usab nga ma-inlove ako sa maong moment, gikinahanglan nga ma-inlove sab ako sa akong hulagwayan ug ang maong gugma mao ang buot nakong makuha sa akong mga hulagway. Kon maghulagway ako, pihoon nako nga anaa ako atol sa maong love moments nga gibatnan nila, kana bang kauban ako sa pagsaulog nila niini kon kinsa ba kini sila. Gikahimuot ko usab ang ilang moments of love maong dili nako kalikayang makapahiyom samtang tan-awon nako ang playback sa akong kamera.

Matam-is Nga Nga Higayon Ngadto Sa Makahimuot Nga Higayon

ADUNAY mga panahon nga sa pag-shoot sa subject, dili kalikayang ma-capture ang awkwardness sa kadugayan. Maong usahay, kon nag-atubang na ako sa nakuha kong mga hulagway, adunay mga awkward result ug makaingon ko sa akong kaugalingon nga “dili ko na lang kaha kini i-klik…” o kaha kon

mahulagwayan ko na sila ug may makita akong awkward nga resulta, “i-delete ko na lang kaha ni?”.

Apan at the end of the day, mahunahuna nako nga bisan tuod dili maoy tinguha ang pagkuha niini alang sa usa ka portrait apan hulagway pa gihapon kini. Makamugna gihapon kini og makahimuot nga sugilanon sa mga hulagway nga dili makalimtan.

Higayon Sa Tipikal Nga Adlaw

SA pagkuha sa matahom nga mga daklit sa photography, nag-unang sambog niini mao ang pagbati, emosyon, vibe o

atmosphere sa usa ka sitwasyon. Ug kini naggikan usab sa

photographer.

Sa kasagarang adlaw sa pagkuha og hulagway, dili na ko kinahanglang mogamit og camera flash ma-indoor shoot man kini ug outdoor shoot ilabi na kon magic hour o golden hour

(kataposang takna sa dili pa mosalop ang Adlaw ug ang unang oras human sa pagsubang sa Adlaw) sanglit ang kahayag sa magic hour maoy makahatag og diffused, soft glow nga matang sa kahayag. Gawas pa nga kini makadugang usab sa paghatag og drama sa lighting sa usa ka hulagway.

Love and shoot the moment not the subject, matod pa.

Iklik ang kamera and live the magic. Love the moment.

Gipahinumdoman kita niini sa kamahinungdanon sa matag gutling. Maong pahimuslan nato ang matahom nga kahigayonan sa dili pa kini hingpit nga mahanaw. —