Mirror Of Fortune (ANG INYONG KAPALARAN SA MARSO 2023)

SAGITTARIUS – (Nobiyembre 22 – Disyembre 21) – Makalahutay na ang puhunan sa imong negosyo. Kinahanglan nga pangunayan mo na ang pagdumala niini. Mamalik ang kanhi mong mga suki. Di mo mataligam-an ang paghatag og donasyon sa simbahan. Kusog ang imong karisma. Huybes ang suwerte mong adlaw ug 8, 2, 4 ang palaran mong numero.

CAPRICORN – (Disyembre 22 – Enero 19) – Niining buwana madasigon kang taposon mo ang imong gisulat nga nobela. Daghan ang naghulat niini. Nakagusto sila sa estilo sa imong obra. Di maawat ang lahing pangamot sa imong sinulatan. Mopatigbabaw ang imong sex appeal. Suwerte mong adlaw ang Sabado ug palaran mong numero ang 2, 5, 7.

AQUARIUS – (Enero 20 – Pebrero 18) – Dako na ang kausaban sa imong kinabuhi. Regular ka nang mosimba matag Domingo. Hingpit na ang imong hukom nga biyaan ang imong mga bisyo. Di ka na mokuyog sa imong mga barkada. Mabulokon ang sudlan mong relasyon. Domingo ang suwerte mong adlaw ug 9, 3, 1 ang palaran mong numero.

PISCES – (Pebrero 19 – Marso 20) – Niining buwana makahagdaw kag mapuslanong mga impormasyon. Mahimo kining materyal sa sulaton mong libro. Di mo langayon ang paghatag og hinabang sa nagkalisod-lisod mong igsoon. Pahinuntan mo ang kagustohan sa kapikas. Suwerte mong adlaw ang Lunes ug palaran mong numero ang 7, 5, 2.

ARIES – (Marso 21 – Abril 19) – Magpabilin kang magserbisyo sa simbahan bisan mopasignunot ka sa agos sa kabag-ohan. Dako ang imong ikatabang nga mausab ang batasan sa imong manghod. Ipadayon ang maayo mong gawi. Mohangos ka gayod inigsanting sa katagbaw. Biyernes ang suwerte mong adlaw ug 1, 9, 8 ang palaran mong numero.

TAURUS – (Abril 20 – Mayo 20) – Niining buwana mahinayon na gayod ang imong pagbakasyon. Kinahanglan nga makarelaks ka tungod sa kadaghan sa imong trabaho. Mamalik sa imong handurawan ang malipayong nangagi. Makigsalo ka sa talagsaong himaya. Suwerte mong adlaw ang Miyerkoles ug palaran mong numero ang 2, 6, 3.

GEMINI – (Mayo 21 – Hunyo 20) – Daghan ang mahingangha sa ipakita mong lahing awra sa personalidad. Moluhat gayod ang imong katahom. Di mo mataligam-an ang imong kaakohan sa simbahan. Daghan ang makabig sa imong panahom. Kusog ang imong karisma. Huybes ang suwerte mong adlaw ug 5, 1, 7 ang palaran mong numero.

CANCER – (Hunyo 21 – Hulyo 22) – Niining buwana adunay mobutho sa pagbisita kanimo. Makugang ka sa kalit nga pagpatim-aw sa imong igsoon nga dugay nang milangyaw sa laing nasod. Ikuyog ka niya sa iyang pagbalik. Dugosnon ang salohang romansa. Suwerte mong adlaw ang Martes ug palaran mong numero ang 4, 6, 2.

LEO – (Hulyo 23 – Agosto 22) – Di mo angayng tubayan ang pagpakiglantugi. Angay lang nga molikay ka sa kontrobersiya. Itingob na lang ang imong panahon sa pamilya ug trabaho. Ayaw kalimot sa pagsangpit sa Ginoo. Mopiyong ka sa tumang kalalim. Domingo ang suwerte mong adlaw ug 3, 9, 1 ang palaran mong numero.

VIRGO – (Agosto 23 – Septiyembre 22) – Niining buwana sugdan mo ang bag-ong proyekto. Mahimuot na usab ang imong mga trabahante kay aduna na silay trabaho. Lisod karong panahona nga walay income. Magmatinabangon ka. Lahing abentura sa gugma ang imong masum-okan. Suwerte mong adlaw ang Martes ug palaran mong numero ang 7, 3, 5.

LIBRA – (Septiyembre 23 – Oktubre 22) – Mahibalik na ang pagsalig mo sa imong kaugalingon. Motaas ang lebel sa imong kadasig. Daghang order nga imong atubangon. Nakagusto sila sa imong disenyo. Ipadayon mo ang maayong plano. Makapagilok ang matentalong hapuhap. Miyerkoles ang suwerte mong adlaw ug 2, 5, 6 ang palaran mong numero.

SCORPIO – (Oktubre 23 – Nobiyembre 21) – Niining buwana molagsik na pagbalik ang imong panglawas. Mahibalik ka na sa imong trabaho. Kinahanglan nga magmatngon ka na nga di mabughat ang imong balatian. Kanunayng mag-ampo sa Ginoo. Matagbawon ang dalit sa romansa. Suwerte mong adlaw ang Biyernes ug palaran mong numero ang 3, 4, 7.