Manila Bulletin

Smartphone Photography

Ang Kasaligang Smartphone Camera

Ni WILSON FERNANDEZ

MAKAHIMUOT magpahat sa mga kasinatiang di makalimtan kon potograpiya ang estoryahan. Sa kadugay na nakong nanguha og hulagway ginamit ang DSLR ug karon usab mao ang mirrorless camera, adunay mga higayon nga kamera sa akong smartphone ang aking gamiton.

Dili pa lang dugay, nag-studio photoshoot ako og mga personalidad alang sa akong portrait lookbook nga adunay tema ug estilong 70s retro. Human nakog han-ay sa mga suga ug kamera nga akong gamiton sa shoot, nahunahunaan nakong kuhaan og hulagway for documentation sa make up room ang akong modelo pinaagi sa akong smartphone. Dili man god nako gustong tandogon ang akong mirrorless camera nga niadtong higayona, gi-set up na sa light settings sa studio. Sa make-up room, nag-make up na ang modelo. Nasug-an lang ang modelo og LED photography light ingon man sa mirror light. Dako kog pagsaliig nga mamahimong maayo ang resulta sa hulagway nga smartphone camera lang ang gamiton sanglit bisan pa kaniadto, makadaghang higayon na akong giluwas sa akong camera phone sa mga higayon wala ang presensiya sa akong mirrorless camera. Sa hustong camera settings, nahimong matahom man usab ang resulta sa larawan.

Talento, Ug Dili Matang Sa Kamera Nga Imong Gigamit

USA sa di nako malimtang kasinatian mao ang paggamit og smart phone camera sa usa ka kliyente sa among probinsiya nga mikuha sa akong serbisyo alang sa iyang restaurant business. Naghinandas kaniadto ang pandemic apan aduna na hinuoy pagluag maong aduna nay nag-abli nga mga fastfood ug restawran sa maong panahon. Gikontak ako sa usa ka kliyente nga buot i-update ang mga hulagway sa ilang menu ingon man sa ilang mga social media post sa ilang kananan. Nahitabo usab nga nabiyaan ko sa gikaserahan ko sa Manila ang akong kagamitan sa potograpiya. Ang usa pa

sa problema mao nga kinahanglan nilang i-rush ang photoshoot ug gikinahanglan nang makuhaan inigkaugma. Gisultihan sab nako sila sa akong sitwasyon nga nabiyaan nako sa Manila ang akong kamera ug ang akong mga lente.

Nahunahuna nako, nganong dili man nako suwayan nga

mogamit og smartphone. Sa panahon karon, dili na man god mamatikdan pa kon ang hulagway gikan ba sa smartphone o sa DSLR. Samtang nagtuyok ang panahon, nagkataas na usab teknolohiya. Ilabi na sa panahon karon nga paspas kaayong mag-upgrade ang mga smartphone ilabi na sa mga camera feature niini. Maong dako ang akong kompiyansa nga misugyot nga smartphone camera na lang ang akong gamiton alang sa food photography shoot. Nasayod kong suntok kini sa Buwan. Apan maayo na lang, gisuwayan nakog sugyot. Suwerte usab kaayo kay mingsugot gyod sila. Ako man god silang gipadadan og mga sampol sa uban nakong mga kinuhang hulagway sa food photography ginamit ang akong smartphone. Ug nakauyon man sab sila niini dihadiha. Maayo na lang sab gani kay anaa sa among balay sa probinsiya ang usa nako ka LED light nga dako sab kaayog gikatabang aron masug-an ug mas manindot ang kuhaan nakong mga pagkaon.

Resulta Nga Walay Kalahian Sa DSLR

LAIN pang di nako makalimtang kasinatian sa paggamit ko og smartphone mao kadtong nahasuroy ako sa usa ka museyo sa Intramuros. Usa sa mga regulasyon sa maong museyo mao ang pagdili sa pagkuha og mga larawan sa sulod sa museyo gamit ang DSLR ug mirrorless camera. Bugtong smartphone lang ang gitugotang gamiton. Naanad baya gyod ko nga sa tanang higayon nga nanginahanglan og mga photo shooting mao ang pagsalig sa akong mirrorless camera. Wala man koy gusto nga mogamit og smartphone camera, napugos ako sa paggamit niini kay sa wala. Matahom man sab ang lighting sa sulod sa museyo sanglit ang kahayag nagagikan sa abyerto nga bentana. Nakurat ako sa resulta sa mga hulagway nga akong nakuha sa akong smartphone sanglit wala man kiniy kalainan sa kalidad sa mga hulagway nga kuha sa akong regular nga DSLR. Migamit ako og pro mode sa aking smartphone camera. Ang pro mode maoy katugbang sa manual mode sa mga DSLR ug sa mga mirorrless camera. Mas maayo nga pro mode o manual mode

ang gamiton sa pagkuha og hulagway sanglit anaa kanato ang kontrol aron makuha ang buot natong mood ug tone sa usa ka hulagway. Sa pro mode, maadjust nato manually ang lainlaing shooting options sama sa exposure value, ISO value o tarongon ang settings sa white balance aron i-render ang lainlaing lighting conditions ingon man ang mga bulok ug tone sa usa ka imahen.

Tungod sa wala nako dahoma nga maayong resulta sa mga hulagway sa sulod sa museyo, nakahunahuna ko nga mag-shoot usab sa laing dapit ug sa laing subject.

Niadtong adlawa gilayon, milahos ako paingon sa Dangwa sa Manila aron himoong subject usab ang mga buwak. Sa gihapon, pro mode ang settings sa akong smartphone. Outdoor ang shoot ug sakto sab nga magic hour niadto. Apan ngano bang mas maayo mag-manual mode kaysa i-auto na lang ang pagkuha og hulagway sa smartphone? Yano lamang. Ang pro mode makahatag og labaw nga kontrol kaysa tradisyonal nga pagsetting sa auto. Dugang pa, mas ma-enjoy nato ang hagit sa usa maayong camera setting nga maoy mohingpit nga matahom nga hulagway.

Tips Alang Propesyonal Nga Siplit Sa Hulagway Nga Kuha Gikan Sa Smartphone

1. Limpiyohan ang lente sa kamera sa dili pa gamiton aron tin-aw ug klaro ang hulagway. Mogamit og lens cloth sa paglimpiyo niini.

2. Mogamit og grid sa pagkuha og hulagway aron mabalanse ang pagkuha sa imahen. Ang grid usab ang mag-alagad nga guidelines sa pagmugna og mga unique angle shots ug rule of

Sa panahon karon, dili na man god mamatikdan pa kon ang hulagway gikan ba sa smartphone o sa DSLR. Samtang nagtuyok ang panahon, nagkataas na usab teknolohiya.

thirds.

3. Likayan ang pag-zoom sa subject. Mas maaayo kon padulan na lang ang subject kon hulagwayan kini og close-up shot.

Kon walay gamit nga para sa suga, mas maayong mag4. shoot outdoor.

5. Tun-an og maayo kon unsa ug hangtod asa ang limitasyon ug mahimong himoon sa imong smartphone camera.

6. Mogamit og mga editing tools. Sa mismong smartphone, aduna nay mga built in editor. Aduna say daghang app nga

photo editor nga mahimong i-download sa mga telepono. Ang paggamit og mga editing app makatabang sa mas matahom ug unique aesthetic sa inyong mga kuhang hulagway.

Pagbansay. Manguha og daghang hulagway aron matun7. an ug maanalisar kon unsa pay angay palamboon sa pagkuha og hulagway sama sa lighting, composition, o sa pagkurog sa kamot. Tun-an og maayo unsaon nga kining mga butanga mapalambo.—

Cover Story

tl-ph

2023-05-01T07:00:00.0000000Z

2023-05-01T07:00:00.0000000Z

https://manilabulletin.pressreader.com/article/282041921480086

Manila Bulletin Publishing Corp