Publication:

Hiligaynon - 2019-06-26

Data:

JULIA BARRETTO

COVER STORY

NI JENNELYN C.

NAGASUNDANAY lang ang mga pelikula ni Julia Barretto. Luas sa zombie movie nga Block Z nila ni Joshua Garcia sa direksyon ni Mikhail Red, himuon man niya ang pelikula nga Between Maybes. Si Gerald Anderson ang kapareha diri ni Julia nga gikan naman sa direksyon ni Jason P. Laxamana. Madamo naman ang nalipay sa bag-o nga tandem nanday Julia kag Gerald, labi na kay wala gid maglaom ang kadam-an nga magaparis ang duha. Pero indi malikawan nga may mamalabag sa tandem nanday Julia kag Gerald, ini wala sang iban kundi ang mga fans nanday Julia kag Joshua. May nagasiling naman nga wala kuno sang chemistry sanday Julia kag Gerald sanglit older si Gerald. Pero wala man ini sing kaso kon amo ang ginapangayo sang estorya. Kag bahala naman sa chemistry sang duha ang ila direktor. Ang Between Maybes produce sang Black Sheep Movie/Television Studio. Sa interbyo kay Julia, napamangkot sia kon ano naman ang reaksyon sang iya reeland-real partner nga si Jushua sang mahibal-an sini nga ipareha sia kay Gerald. Siling ni Julia: “To be very honest, nalipay naman sia kay Gerald. Nalipay siya sanglit it was with somebody a couple off years older than me, nalipay sia sa fact nga ini.” Ginsiling lang ni Julia kay Joshua ang bagay nga ini sang ini na-finalized na. “It took me some time to tell him because I wanted to make sure that once I tell Josh dapat sure na. Nagpasalamat naman si Julia nga nangin ka-loveteam niya si Joshua, but both of them understand that they also need to do individual projects to grow in their craft even more. Siling pa ni Julia, ini nga bagay makabulig naman sa ila bilang magka-loveteam; makadala ini sa iban nga mga duog diin madamo ka sang matun-an, kag pasalamatan ini nga experience. Siling niya, nahibal-an naman kuno ni Joshua nga sooner or later, sa ila journey, maabot gid ang time nga makaangkon sila sang project nga indi magkaupod. Pareho kuno sila nga mahal nila ang ginahimo nila. “It’s what best for us, ang growth namon.” Ang estorya sang Between Maybes, nahanungod sa kabuhi ni Hazel (Julia) nga isa ka aktres nga nakasugata sang mga problema sa iya career kag sa pag-manage sang iya personal life. Bangod nakabatyag sang kapaslawan, naisipan sini nga mamasyal sa iban nga pungsod, kag sa Saga, Japan sia nakaapok. Diri niya na-meet si Louie (Gerald). My kissing scene diri sanday Julia kag Gerard. Gani may tsika nga kuno daw naimon si Joshua kay naunahan pa sia ni Gerard sa kissing scene kay Julia. Gani daw may pagsunggoray kuno nga natabu sa tunga nanday Julia kag Joshua. Apang madamo man ang nagasiling nga sa show lamang ini kag indi mangin kabangdanan sang pagbulag nanday Julia kag Gerald. Trabaho nila ini and nothing personal. Kon pareho kamo nga artista, mahangpan naman ninyo nga indi malikawan ang kissing scene. Labi na kon ara sa script kag kinahanglanon sa estorya. Gani nga ipahimo ini sang direktor. Mahangpan man ini sang mga fans. Pwede ayhan nga ibaylo ni Gerald si Bea Alonzo kay Julia? Sa karon daw nangin trending ang pagbulagay sang ginabilang nga magka-loveteam. Indi ini malikawan sanglit paagi man ini nga mag-mature ang magka-loveteam. They have to learn and try something else out ot their comfort zone. Paagi sini, labi nga maguswag ang ila talento.—O

Images:

© PressReader. All rights reserved.