Publication:

Hiligaynon - 2019-06-26

Data:

TOM RODRIGUEZ

SHOWBIZ TSIKA

NI JENNELYN C

BISAN sadtong bata pa sia, nakaekperyensya na gali si Tom Rodriguez sang mga katingalahan nga mga hitabu, kon kis-a makakita sia sang landong sa iya ginakadtuan nga daw nagasunod sa iya. Pero indi naman sia kuno mahinadlukon, bisan nga karon may ginahimo sia nga horror ukon TV series wala naman sia mahadluki bisan nga may nabatyagan man sia nga pinasahi sa iya ginakadtuan. Gani sang i-offer kay Tom ang horror film nga Maledicto—ang first ever locally produced horror movie sang Fox network Group Philippines, kag co-produced sang Cignal Entertainment kag Unitel Productions, wala na sia namalibad. Suno kay Tom, sa amo nga mga role, daw ginabulag na niya ang iya kaugalingon sa ginatungdan nga karakter. Sang sugoran na kuno nila ang shooting sang amo nga movie, ginpabalunan kuno sia sang iya girlfriend nga si Carla Avellana sang isa ka charm bracelet para proteksyon. Sia si Father Xavi sa movie, isa ka former psychologist who becomes a skeptical exorcist matapos nga mapatay sa tragic death ang sister niya nga si Mara, played by Inah de Belen. Makilala niya si Sister Barbie, played by Jasmine Curtis Smith, isa ka lamharon nga madre nga may gift of charisma, gani magkatuhay ang ila mga pagpati. Pero sila nga duha ang gintugyanan nga tun-an ang kaso ni Agnes nga ginatungdan naman ni Miles Ocampo, isa ka teenager nga ginsudlan sang demonic behavior that rocks the foundation of the church. Makahaladlok naman ang mga ginsugid ni Direk Mark Meily kag sang cast sang madamo nga mga experiences nila samtang naga-shooting, labi na ang exorcism scene. MADUGAY na gali ang handom ni Andrea Torres nga makapareha si Derek Ramsay. Karon magkapareha sila sa bag-o nga serye nga “The Better Woman.” Suno kay Andrea, una kuno nga nagkita sila ni Derek sadtong ginahimo nila ang summer ID sang GMA-7. Nakibot kuno sia sanglit sobra kuno nga approachable si Derek. Daw close na sila kuno gilayon. Maayo kuno makig-atubang si Derek kag palasugilanon. Gani sa umpisa pa lang kumportable na sila sa isa kag isa. Karon labi nga ginahandaan ni Andrea ang iya role agod ipakita naman kay Derek ang iya professionalism. Nagtuon pa kuno sia sang pole dancing. Kag ano naman ang impression ni Derek nahanungod kay Andrea? Siling ni Derek, sexy kuno si Andrea, matahom kag wala kaere-ere. Gani karon pa lang kumportable man kuno sia kon kaupod si Andrea. Bisan karon pa lang sila liwat nga nag-updanay, daw madugay na kuno sila nga magkaupod. Gani ang ila pagpareha, daw dream come true. BISAN ano nga role ang i-offer kay Jasmine Smith Curtis, wala sang problema sa iya, sa pelikula man ukon sa telebisyon, malip-ot man ukon full-length, basta napat-od niya nga magamarka sa mga tumalan-aw ang karakter nga iya ginatungdan, ginabaton niya. Pareho sang role niya sa Sahaya teleserye sang GMA-7 sang magtungod sia sang karakter sang young Manisan, ang nanay ni Sahaya. Later on, si Mylene Dizon ang nagtungod nga Manisan sang dalaga na si Sahaya, nga ginatungdan naman ni Bianca Umali. Every now and then, matan-aw gihapon si Jasmine sa flashback sang estorya. Kag sa horror film nga Maledicto, ginbaton man ni Jasmine ang role sang madre nga si Sister Barbie. Nalakip sia sa exorcism scenes sang movie, sanglit sila ni Father Zavi (Tom Rodriguez) ang magahimo sang exorcism ritual. “Mabudlay gali ang mga eksena sa exorcism,” siling ni Jasmine. “May time nga ginahaboy ako sang spirit. Nabudlayan ako sanglit wala naman ako maanad sa amo nga eksena, nga daw action. Pero nahimo man niya. Sang ulihi nga mahambal namon si Jasmine, makadto kuno sia sa La Union para sa soft opening sang boutique hotel nila sang businessman niya nga boyfriend nga si Jeff Ortega. Sia kuno bakasyon, samtang si Jeff trabaho gihapon, sanglit ini ang manager, nagayuhom nga panugid ni Jasmin e. Incorporator lang kuno sia kag si Jeff kag mga kasosyo sini ang tag-iya. Nagabulig lang sia sa marketing, visual ideas, kag kon ano pa nga kinahanglan nila. Ginpamangkot sang mga reporter si Jasmine kon malapit na bala ang wedding nila sang iya boyfriend. Nahambalan man nila kuno ini, pero indi pa sila seryoso. Tubtob karon, overwhelmed gihapon si Jasmine sa feedback nga iya nabaton sa iya portrayal sa Sahaya. Ang matuod kuno nga nabitin man sia, luyag pa niya nga magdugay kuntani ang role niya diri, and also to see what it’s like on a grander scale. Lain kuno ang TV when you reach the mass audience. So I’am overwhelmed. Ginabaton ni Jasmine nga sa umpisa, nakabatyag man sia sang nerbios kon paano sia batunon sang mga tumalan-aw sang iya portrayal bilang isa ka Badjao bangod sang iya Australian lineage. Isa pa, basi silingon sang mga tao nga para sa tigulang na ang iya role ukon mother figure na sia, ukon indi man sia bagay diri, daw indi Badjao ang iya itsura, kag madamo nga mga possibilities. Gani ginkaayo na lang niya ang iya akting bilang Badjao, bisan half white sia. Basi kuno silingon nila nga indi sia matuod nga Badjao, ukon indi sia taga-Siargao, sanglit maputi sia. Gani ara ang pressure sa iya. Nasorpresa man si Jasmine sang suportahan sia sang iya sister nga si Anne Curtis. Bag-o ang Sahaya, ang first teleserye ni Jasmine sa GMA-7, amo ang primetime series nga Pamilya Roces. Nagdugay lang ini tubtob sang Disyembre 2018. Baton man ini ni Jasmine kag nagsiling nga wala naman sia nagakanugon sang pagtapos sang iya una nga soap. Pero, kuntani kuno naglawig pa ini agod ma-enjoy sang mga tumalan-aw ang katahom sang estorya. Na-enjoy man kuno niya ang company sang cast. Pero amo gid sini ang negosyo. NANGIN maayo ang resulta sa rating sang bag-o nga children show nanday Edward Barbers kag Grae Fernandez. Ini amo ang Hiwaga ng Kambal. Sa una nga mga episode sini sa nakalipas nga duha ka semana, nakalab-ot sa 27% ang rating sang serye suno sa Kantar survey. Gani wala duda nga ang bag-o nga mala-fantasy adventure series ang bag-o nga paborito nga tan-awon sang mga kabataan kada Domingo sang gab-i. Para sa isa ka bag-uhanon kag dumoluong nga actor pareho ni Edward Barbers, masiling nga break sa iya ang show nga ini. Diri may pinasahi sia nga powers. May powers man ang iya kapareha sa serye nga si Grae, bag-uhanon man nga artista kag anak sang actor nga si Mark Anthony Fernandez. Ginsugid man ni Edward nga bangod lead role sila ni Grae, nakaangkon anay sila sang diutay nga bonding kaupod ang mga young actor bag-o nila himuon ang proyekto, kag aminado sia nga madamo sila sang nadiskubre nahanungod sa isa kag isa. “I think me and Grae are similar than I thought or might have been thought. We have that drive to achieve our dreams.” Ka-love team ni Edward si Maymay Entrata, pero iban nga project ini kon ikumparar sa mga killig projects nila ni Maymay. Diri sa Hiwaga ng Kambal, may aksyon diri, madamo sang fight scenes, may harness, pero ara gihapon ang romance.—

Images:

© PressReader. All rights reserved.