Netizone
09202668587 facebook.com/BannawagMagasin
Mercy R. Gaño
Napintas man daytoy kolum nga “Ania ti Kayatna a Sawen, Angkel?”. Ad-adu koma pay. Adda interaksion kadagiti agbasbasa ta agpanunot ken mapabaro wenno manayonan ti ammona a bokabulario nga Ilokano.
09179820616
Agyamankami ken ni Apo Emilio C. Yap III, President/ Vice Chairman of the Board, MBPC, iti tulongna iti panagriing ti Bannawag. Agungar koma metten ti GUMIL Filipinas .--Lawrence R. Tesoro, Aytas Guardians Tribal Association, Botolan, Zambales
(Dios ti agngina met, apo. Saan a ‘nakaturog’ ti Bannawag ta nagtultuloy met ti pannakaipablaakna malaksid iti agtallo a bulan a panaglanganna gapu iti pandemia a COVID-19. Kasta met nga adayo a digo a nakaturog ti GUMIL Filipinas uray pay idi panawen ti pandemia. I-follow-yo man ketdi ti Facebook page ti Bannawag ken GUMIL Filipinas tapno kanayon a maammuanyo dagiti kaudian a maipabpablaak iti Bannawag ken dagiti aktibidad ti GUMIL Filipinas.—AST)
***
(Kadagiti agsapsapul iti kopia ti Bannawag, makiuman laeng iti Circulation Department iti Numero iti Selpon Blng. 09171360110. Mabalin pay a magatang daytoy iti Shopee ken Lazada.
Kadagiti kayatna ti gumatang iti digital nga edision, i-download ti App ti Press Reader wenno Magzter sa sapulen ti Bannawag.
Laglagipenyo koma nga i-like ti Bannawag Magazine page iti Facebook para iti update kadagiti akkub ken linaon ti magasin.
Para iti ad-adu pay a mabasa a nobela, sarita, daniw ken salaysay ken kabaruanan a lokal, nasional ken internasional a damdamag, awisendakayo a mangbisita iti website ti Bannawag iti https://bannawag.ph.
Dios ti agngina!)
Addadan iti underground. Kasla gagangay laeng nga underground. Awan ti makita a sabali malaksid iti diding ken ridaw. Adda nairanta a parking area. Inturong ti drayber ti luganda iti dayta a parking area. Dimsaag sa napanna inlukat ti passenger door iti likud. Rimmuar ni Mayor Villa, simmaruno ni Danny Chan.
Tumanaliaw ni Danny Chan iti aglawlaw. “Daytoy met laeng ti pagserkan dagiti chemist nga agtrabaho iti laboratorio?” sinaludsodna.
“Wen,” insungbat ti mayor. “Ngem ti kaaduanna kadakuada, naggapu iti China isu nga adda bukodda a quarters iti underground. Nagasaten no rummuarda iti maysa a lawas.”
Nagtungtung-ed ni Danny Chan. “Mas nataltalged dayta...”
Simrekda iti maysa a ridaw. Naitangkarang kadakuada ti maysa a laboratorio a napalawlawan kadagiti nabebengbeng a sarming. Nakuartokuarto daytoy maibasar iti pannakaproseso dagiti droga. Nakauniporme iti puraw dagiti adda iti uneg ken addaanda iti mask ken goggles a proteksionda.
Iti maudi a nasarmingan a kuarto, nakaadadun dagiti tableta a madama nga ipakpakete dagiti trabahador.
“The production is right on time?” kinuna ni Danny
Chan.
“Kas iti kiniddawmo. Iti uneg ti dua nga aldaw, makaanayen para iti umuna a shipment.”
Immisem ni Danny Chan. “Sigurado a maragsakan dagiti partnertayo kadagiti nadumaduma a paset ti lubong, mayor. Kontentoak iti daytoy nga operasion. Isarunotayo nga irugi ti gambling operation... Welcome to our club, mayor... Welcome,” kinunana ket inalamanona ti mayor.
MAKAPAL-ENG ti ungor ti helikopter a nagpangato manipud iti uneg ti inaladan ti mansion. Dua laeng ti nakalugan: ti piloto ken ni Manong Dodong. Agpadada nga addaan iti headset.
Madamdama pay, buybuyaenen ti lakay ti aglawlaw, dagiti nakapuspuskol a saleng ken dagiti mabuak a tumatayab manipud kadagiti kaykayo. Pangen dagitoy nga aggapu kadagiti kaykayo ngem masinasinada iti butengda iti ungor ti helikopter.
Napakidem ti lakay. Ikarkarigatanna ti mangpatalinaay iti panunotna. Ngem agaligagget latta ta tumtumpaw iti lapayagna ti ikkis ti natungpa a balasangna. Tungpa laeng, agbureken ti darana. No napadarada ti asino man kadagiti annakna wenno ti asawana, papatayenna dagita a nang- hostage iti pamiliana.
Immanges iti nauneg. Saan nga agkalma ti nakemna.
Inasutna ti 9MM-na iti siketna. Inuksotna ti magasin. Insublina met laeng apaman a nakitana a kompleto ti bala.
“Namnamaem kadi nga usaren dayta, Manong Dodong?” inyangaw ti piloto nga awan ti
Pangunahing Pahina
ilo-ph
2023-09-16T07:00:00.0000000Z
2023-09-16T07:00:00.0000000Z
https://manilabulletin.pressreader.com/article/281840058249013
Manila Bulletin Publishing Corp
![](https://r.prcdn.co/res/en-us/g23046/t460683408/2/images/toolbar-logo.png)