Pamalandong Sa Kamugnaan
EMETERIO SUMAGANG Valencia City, Bukidnon
Ang aligato og materya gihimo niya sinugdan sa mga butang may kinabuhi apan hangtod nga ang tawo naumol sa kaugalingon dili makapadayag siya sa kagaw man o sa dinosor ba.
Sa mga pasumbingay siya nakigsulti sa pinulongan nga masabtan sa tawo sama sa Hardin sa Eden sa ginadiling prutas nga dili prutas labaw pang dili kini mansanas.
Sama sa unom ka adlaw sa pagmugna nga nahitabo sulod sa bilyones ka tuig mga butang nga halawom ug tulukibon sa pagsabot di matugkad dayon.
Pasagdan niya ang tawo sa pagpamalandong sa mga misteryo sa uniberso siya, ang Magbubuhat nga wala gibuhat pagkalinga sa tawo dili ihikaw niya.
Salad Bowl
tl-ph
2021-09-16T07:00:00.0000000Z
2021-09-16T07:00:00.0000000Z
https://manilabulletin.pressreader.com/article/281900186352995
Manila Bulletin Publishing Corp