Napasnek a Dumngeg
Basaentayo ti Lucas 10:38-42:
Manayonan dagitoy a proberbio ti pannakaammo dagiti masirib. Maidalanda dagiti addaan iti adal.— Proberbio 1:5
ITI panaggaudmi ken lakayko tapno aggunay ti bilogmi, nakakitakami iti ikan nga aglanglangoy ken dagiti banias nga agpapainit iti igid. Madamdama pay, adda limmabas a sabali a nakabilog ken inyarasaasna, “Kitaenyo! Manatee!” Nasdaawkami a nakakita kadagiti manatee a naglangoy iti babami. Iti dayta a kanito, tallo pay a nakabilog ti adda iti asidegmi. Impukkaw ti maysa, “Awan ti makitak a manatee!” Nagpukkaw met ti maysa, “Siguro addada iti adayo a paset ti karayan. Intayon!” Naggunayda a dagus sakbay a naibagami kadakuada ti kaadda dagiti manatee.
Iti panangituloymi iti panagbiahemi a siiinayad iti karayan, napanunotko dagiti tallo a tattao. Nayaw-awan ti atensionda gapu kadagiti inaramidda, isu a dida nangngeg ti naulimek a timek a nangiturong iti imatangmi iti yan dagiti manatee. Didakami nadlaw a nakasardeng ken naulimek a mangkitkita iti danum. Iti di nagbayag napanunotko: Kaano a kaslaak kadagitoy tallo? Ania dagiti wagas ti panagserbi a saan a naaramid wenno pangibabaet a kararag a saan a naibaga gapu ta nasingaak wenno nagdardarasak a nangsango kadagiti ibagbaga ti Espiritu Santo?
Adda dagiti kanito a kasapulantayo ti agsagana a kas ken ni Marta. Kas kadagiti tallo a nakabilog, mabalin nga adda rasontayo nga agabante. Nupay kasta, nangnangruna nga impateg ni Jesus ti panangpili ni Maria nga agdengngeg. Kayatko a suroten ti Maria ken agbalin a napasnek a dumngeg— babaen ti lapayag, mata, ken pusok.
Patgenmi nga Ama, tulongannakami a dumngeg bayat ti panangadalmi iti saom, makimaymaysa kadagiti annakmo, ken birokenmi ti pagayatam. Iti nagan ni Jesus, agkararagkami. Amen.
Kararag:
Agbalinak a napasnek ita nga aldaw iti panagdengngeg iti Espiritu Santo.
Kapanunotan:
Pangunahing Pahina
ilo-ph
2023-09-16T07:00:00.0000000Z
2023-09-16T07:00:00.0000000Z
https://manilabulletin.pressreader.com/article/282016151908149
Manila Bulletin Publishing Corp
![](https://r.prcdn.co/res/en-us/g23046/t460683408/2/images/toolbar-logo.png)