SEGURADONG MONIWANG

Usa ka gabii sa Tubigon, naay magtiayon... Sergio: Kabalo na ko unsaon nga moniwang ka. Segurado kong moniwang na jod ka sa sunod na bulan.

Sandee: Unsaon man daw ko nimo pagpaniwang, bi?

Sergio: Kaganinang buntag, gienrol na tika sa kinamahalan nga gym sa Tagbilaran.

Wala na tay pang-grocery sa tibuok bulan. Mamlete na lang padulong ug pauli sa Tagbilaran ang nahabilin para sa atoa. Haha-ha-ha.

Sandee: Waaaaagh!

ANTHONY LOCSIN Davao City

(Alang kang A)

“And I could live, I could die Hanging on the words you say.” — Ed Sheeran, Dive

Taudtaod na kong nakamatikod sa puwang lambong midugtong kanatong duha

Sama pananglit anang higayong madungog ko ikaw

Sa pikas linya

Morag mabitik kining akong dughan Sa magbawog-bawog nimong inestoryahan Nga daw kable sa kuryenteng magalatay sa akong kaugatan.

Ug sa mga higayong masangit sa akong dunggan ang kutay sa imong mga katawa

Daw masabod kining akong gininhawa

Busa nangahas ko pagbadbad Niining hikot nga hugot mibaligtos sa akong dila

Aron matangtang na kining hiniktan kong pagbati

Apan daw tabla ray naghikog Kay gibiyaan mo akong nagbitay Sa hayhayan sa way kasegurohan Nga nagkupot sa nipis nga pisi Sa paglaom

Sa kataposang mga pulong

Nga imong giingon

— JOJIE E. OGA-OB

71