Edukasion: Nakapsut ti Anakmo iti Matematika?

MASANSAN mangmangngeg ti panagpakarigat ti adu nga ubbing iti elementaria iti asignatura (subject) a Matematika. Ngem adda maysa a teknik a mabalin nga ipakat tapno matulongan ti ubing. Kinapudnona, no mamasterna daytoy, saanton nga agpakarigat nga agsolbar manipud iti panagnayon (addition), panagkissay (subtraction), panagpaadu (multiplication), ken panagbingay (division).

Gagangay a no adda pay laeng iti Grado 1 ti adalan, ti panagnayon (addition) ti umuna a maisuro kenkuana iti Matematika. Nupay kasta, mabalin met a baliwan daytoy. Unaen ti panangpaikabesa iti “Multiplication Table.” Nasken a maimemoriana daytoy. Nasken koma a salsaluyotenna daytoy. Ket inton adda iti nangatngato a grado, saanto a mablaaw, agngatangata, iti kaadda daytoy a “Multiplication Table.”

No mamaster ti ubing ti “Multiplication Table,” maisarunonton pannakaisurona iti umno a panangsolbar kadagiti problema (number problem man wenno word problem) babaen met laeng dagiti umno a proseso.

Ala, padasenyo, a. Ulitek: yuna ti “Multiplication Table.”—O

(Agpapaay ni ARR a Principal I ti Badio Elementary School, Pinili District, Pinili, Ilocos Norte.)